.png)
E pabesueshme, por e vërtetë: një grua dhe vajza e saj do të shkojnë në hapësirë së bashku si turiste, pa paguar biletën e misionit hapësinor. Anastatia Mayers, një studente 18-vjeçare në Universitetin e Aberdeen dhe nëna e saj, Keisha Schahaff, fituan udhëtimin në hapësirë, ndërsa ishin në një fluturim të Virgin Atlantic nga Antigua në Londër.
Ata do të fluturojnë në Hënë të enjten, më 10 gusht 2023, me një raketë Virgin Galactic.
Ata do të jenë pjesë e misionit të riemërtuar “Galactic 02”, i cili është fluturimi i dytë komercial hapësinor i kryer nga kompania amerikane e hapësirës, i pari me klientë me pagesë në bord.
Një pasuri e vërtetë duke pasur parasysh që një biletë për në hapësirë kushton rreth 450 mijë dollarë, e barabartë me rreth 409 mijë euro.
Lajmi është tronditës nga të gjitha këndvështrimet, edhe sepse dy femrat do të jenë të parat që do të fluturojnë në hapësirë si nënë e bijë, por do të jenë edhe turistët e parë hapësinorë me origjinë nga Karaibet.
Kjo nuk është e gjitha sepse Anastasia do të jetë gjithashtu personi i dytë më i ri që do të shkojë në hapësirë. /Today.it/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
