.png)
Gazeta Si - Kryetari i grupit parlamentar demokrat, Enkelejd Alibeaj, ka folur pas shtyrjes së takimit për çështjen e emrit të Presidentit të ri.
Ai kërkon që të gjitha diskutimet të bëhen në praninë e mediave. Sipas Alibeajt, vetëm transparenca është “ilaçi’ për çdo lloj pazari.
“Doja që takimi të zhvillohej në praninë tuaj. Të vazhdoja diskutimin për atë që është qëndrimi ynë. E patë lëvizjen, jo tani, por në 6.
Në takim i kam kërkuar që çdo diskutim për çështjen e presidentit, jo për emrat, të bëhet me mediat, sepse besoj se vetëm transparenca është ilaçi më i mirë kundër çfarëdo lloj pazari. Kjo është një gjë që ju dhe publiku e doni. Nesër, në 10:00 jeni të ftuar për të ndjekur diskutimin”, - tha Alibeaj para gazetarëve.
Nesër, në orën 10:00, është planifikuar të zhvillohet takimi mes Alibeajt dhe kreut të grupit parlamentar të PS-së, Taulant Balla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
