.png)
Në tremujorët e parë 2023 tregu i sigurimeve kapën vlerën e 6.8 mld lekëve, me rritje 17% në raport vjetor. Kontratat e sigurimit kapën shifrën e 384.225 me rritje 14.3%.
Sigurimet e jo-jetës vazhdojnë të dominojnë këtë treg, me 91.7% të totalit, sigurimet e jetës 8.3% dhe risigurimet 0.02%.
Primet e sigurimit të detyrueshëm motorik në tremujorin janar-prill 2023 arkëtuan 3.6 mld lekë, me rritje vjetore rreth 10%. Këtu përfshihen sigurimet e MTPL, Kartoni Jeshil.
Primet e sigurimit vullnetar, gjatë muajit janar-prill 2023 arritën rreth 3.2 mld lekë.
Primet e sigurimit vullnetar të Jo-Jetës gjatë muajit janar-prill 2023, patën një rritje me 28% kundrejt muajit janar-prill 2022 dhe u kryesuan nga sigurimet e pronës nga zjarri dhe forcat e natyrës.
Gjatë të njëjtës periudhë, dëmet e paguara bruto në tregun e sigurimeve, arritën në rreth 2.1 mld lekë, ose 3.3% më pak se në të njëjtin , kryesisht ndikuar nga efektet e dëmeve në sigurimin e pronës.
Dëmet e paguara bruto në sigurimin e motorik për muajin u rritën me rreth 10% në raport vjetor, duke kapur vlerën e 1.5 mld lekë.
Të ardhurat nga sigurimet e Aksidenteve dhe Shëndetit, gjatë muajit janar-prill 2023, arritën në rreth 422 milionë lekë, duke shënuar një rritje prej 1.28% në krahasim me muajin janar-prill 2022.
Primet nga sigurimet e Jetës gjatë muajit janar-prill 2023, arritën rreth 567 milionë lekë, ose 23.82% më shumë se në të njëjtën periudhë të një viti më parë.
Pagesat e dëmeve gjatë muajit janar-prill 2023 u ulen me 3.26% krahasuar me janar-prill 2022. Pjesa më e madhe e dëmeve të paguara bruto i përket sigurimit te motorik me rreth 1,533 milionë lekë, apo 72.76% të totalit të dëmeve të paguara bruto.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
