Nga Gazeta ‘Si’- Për tetorin numri i turistëve që vizituan Shqipërinë u rrit me 41.4% krahasuar me të njëjtën periudhë të vitit të kaluar.
Në publikimin e INSTAT për strukturat akomoduese, të dhënat tregojnë se numri i vizitorëve rezident është rritur me 44% ndërsa ai i jo-rezidentëve është rritur me 39.3%.
Me prurjet e turistëve, janë rritur edhe netë qëndrimet. Krahasuar me tetorin e vitit të shkuar, numri i tyre është rritur me 68.8 %, ku zgjerimin më të lartë e ka shënuar rritja nga rezidentët, me 78.9%.
Jugu me netë qëndrimet më të larta
Ndonëse sipas rajoneve jugu ka tërhequr më shumë vizitorë (38.5%), numri më i lartë i netë qëndrimeve raportohet në Qendër.
INSTAT thekson se numri i netë qëndrimeve të vizitorëve jo-rezident të cilët janë akomoduar në rajonin Qendër (41,7 %)
U rrit ndjeshëm norma e shfrytëzimit të dhomave
Normat neto të shfrytëzimit, të dhomave dhe të shtretërve, janë dy tregues të cilët masin përqindjen e shfrytëzimit të kapaciteteve akomoduese, dhoma e shtretër të disponueshëm për vizitorë.
Gjatë tetorit, norma e shfrytëzimit të dhomave të “Hoteleve dhe akomodimeve të ngjashme” është 16.4 %, kundrejt 12.5 % që ishte tetorin e vitit të shkuar.
Ndërsa norma e shfrytëzimit të shtretërve të “Hoteleve dhe akomodimeve të ngjashme” është 18.4 %, kundrejt 12.4 % ishte në të njëjtin muaj të 2022-shit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.