.png)
Policia e Tiranës ka vënë në pranga një 51-vjeçar me qëllim ekstradimin drejt Italisë, pasi ishte i shpallur në kërkim ndërkombëtar nga drejtësia italiane.
Policia thotë se është vënë në pranga shtetasi Ardjan Nexhipi alias Ardian Alliaj, lindur në Cakran, Fier dhe banues në Tiranë. Arrestimi i tij është bërë i mundur në “Rrugën e Dibrës”, në kryeqytet.
Ndaj 51-vjeçarit, autoritetet gjyqësore italiane kanë lëshuar urdhër-arresti ndërkombëtar, për veprat penale “Shfrytëzim i prostitucionit” dhe “Emigracion i paligjshëm”.
Veprimet e mëtejshme për ekstradimin e këtij shtetasi drejt shtetit italian do të kryhen nga Interpol Tirana, në bashkëpunim me Interpol Romën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
