.png)
Nga Gazeta 'SI' - Në tremujorin e fundit 2023, Banka e Shqipërisë hodhi në treg 47.7 mld lekë në ditë, mesatarisht, me maturim 1-13 javor. Nga tremujori i dytë i vitit, shuma u reduktuar me rreth 7 mld lekë.
Reduktimi thotë BSH, ka ndodhur si pasojë e rritjes së shpenzimeve të qeverisë për dy muajt e fundit të vitit. Në tetor, tregut të parasë i mungonin 60 mld lekë dhe në dhjetor treguesi ra në nivelin e 40 mld lekëve.
Për të njëjtën kohë, paratë në llogarinë e qeverisë ranë me 10 mld lekë, në 23.5 mld.
Ndikim pozitiv në tregun e lekut pati edhe blerja e mbi 5 mld lekëve valutë për të njëjtën periudhëë.
Në total gjatë vitit 2023, paraja në qarkullim është rritur me një shumë afër 6.8 miliardë lekë kundrejt rreth 23 miliardë lekë në dy vitet e mëparshme.
Për vitin 2024 Banka e Shqipërisë synon të blejë 250-330 milionë euro me 20 ankande.
Kursi i këmbimit Eur/Lek arriti një mesatare 104 lekë, por brenda tremujorit ra me 2.8%.
Gjatë tremujorit të katërt të vitit 2023, MFE ka maturuar marrëveshjen SWAP për 85 milionë Euro, duke e çuar në 0. Megjithatë, pritja është për përdorim sërish të këtij opsioni gjatë vitit 2024, pasi MFE ka kërkuar shtimin e shumës së mundshme në 50 miliardë lekë kundrejt 25 miliardë lekë që parashikon marrëveshja bazë midis institucioneve. Në veprime të tjera, janë blerë 2.1 milionë Euro nga MFE të fondeve të programit IPA.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
