.png)
Ditën e sotme është konstituuar Këshilli i Ri Bashkiak i Bashkisë Gjirokastër.
Përpara këshilltarëve të rinj është betuar kryebashkiaku i ri i dalë nga votimet e 30 qershorit, Flamur Golemi.
Në krye të Bashkisë Gjirokastër, Golemi pason Zamira Ramin e LSI-së. Flamur Golemi la mandatin e deputetit të fituar në zgjedhjet e 25 qershorit 2017 për të marrë drejtimin e kësaj bashkie.
Po ashtu është betuar edhe kryetari i Bashkisë së Librazhdit, Kastriot Gurra si dhe është konstituuar këshilli i ri bashkiak.
Gurra ka marrë sot zyrtarisht mandatin e dytë radhazi, që erdhi pas zgjedhjeve të 30 qershorit.
Po ashtu u betua kryebashkiaku i Beratit Ervin Demo dhe ai i Cerrikut Andis Salla. Ditën e djeshme u betuan edhe kryebashkiakët e Krujës, Pustecit dhe Kucovës.
Konstituimi i këshillave bashkiakë ka rezultuar problematik në bashkinë Devoll dhe Kavajë, pasi mbështetësit e Partisë Demokratike u mblodhën para bashkive përkatëse duke mos njohur kandidatët e dalë nga 30 qershori.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
