.png)
Nga Gazeta 'SI' - Në tre muajt e parë të vitit 2023, shqiptarët kanë kryer 8.5 mln transaksione bankare nëpërmjet kartës, raporton Banka e Shqipërisë. Një vit më parë në të njëjtën periudhë, janë kryer 7.3 mln transaksione, pra një rritje 16.2%.
Rritjen më të madhe e regjistrojnë transaksionet nepërmjet terminaleve POS, pagesa me kartë bankare në momentin që blen një mall apo merr një shërbim. Këto pagesa janë rritur me rreth 35%, në periudhën janar-prill 2023, që rezultuan 3 mln, nga 2.3 mln në janar-prill 2022.
Nga pikat ATM rritja ka qenë më e vogël, rreth 8% nga një vit më parë, duke arritur në 5 mln veprime nga 4.7 mln veprime.
Shifrat tregojnë për një zhvendosje të përdorimit të parasë elektronike nga ajo digjitale, ndonëse jo me rritje domethënëse. Ky mund të jetë tregues edhe i uljes së informalitetit në tregun e punës.
Banka e Shqipërisë vlerëson se përdorimi i parasë fizike ka një kosto të konsiderueshme në ekonomi, e cila llogaritet rreth 2% të Prodhimit të Brendshëm Bruto të vendit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
