.png)
Gazeta Si – Pak javë pas ardhjes në krye të Policisë së Shtetit, Skënder Hita ka vendosur të ndryshojë nëndrejtorët e drejtorive vendore, të Antiterrorit dhe Operacionales.
Kështu, Besmir Dervishi është larguar nga Tirana si zëvendësdrejtor dhe është emëruar Shef i Krimeve në Kukës. Në vend të tij është vendosur Oliger Torba, i cili deri tani ka qënë zëvendësdrejtor në Fier.
Ndryshime janë bërë dhe në qarqe të tjera të vendit në rangun e nëndrejtorëve si në Shkodër, Lezhë, Fier etj.
Hita emëroi Alban Dautajn si drejtor të Operacionales, i cili më herët mbante postin e drejtorit të Antiterrorit. Në krye të Antiterrorit, tanimë është emëruar Edmond Sulaj, ish-drejtori i Policisë së Shkodrës.
Gjithashtu është larguar dhe shefi i komisariatit nr.2 në Tiranë, Ermal Kënaçi i cili është transferuar në Kukës.
Gent Ndoj, i cili ishte Drejtor për Hetimin e Krimit Financiar në Drejtorinë e Përgjithshme është transferuar në Dibër. Skënder Hita mori drejtimin e Policisë së Shtetit më 30 mars, pas garës me 13 kandidatë të tjerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje