Okjökull ishte akullnaja e parë islandeze që u zhduk për shkak të ndryshimeve të klimës dhe tani do të jetë e para që do të ketë një pllakatë që të shënojë shkrirjen e saj.
Akullnaja u shkri gjatë shekullit të 20-të dhe u shpall zyrtarisht "e vdekur" në vitin 2014. Tani studiuesit nga Universiteti Rice së bashku me gjeologun Oddur Sigurissson dhe anëtarët e Shoqërisë së Alpinistëve Islandezë kanë instaluar një pllakatë për të kujtuar akullnajën e humbur.
"Në 200 vitet e ardhshme të gjitha akullnajat tona pritet të ndjekin të njëjtën rrugë," paralajmëron pllakata, e cila u instalua në vendin e akullnajës që nuk ekziston më, në 18 gusht.
Fjalët, të shkruara nga autori Islandez Andri Snær Magnason, supozohet se janë "një letër për të ardhmen". "Ky monument duhet të pranojë se ne e dimë se çfarë po ndodh dhe çfarë duhet të bëhet", vazhdon mesazhi i memorialit.
Sipas një artikulli të shkruar nga Kathryn Hansen i NASA-s, një hartë gjeologjike nga viti 1901 tregoi që akullnajën që kapte një sipërfaqe prej afro 38 kilometra katrorë, por sot mbetet në më pak se një kilometër katror.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.