.png)
Dy të rinj janë ndaluar nga Policia e Tiranës. Ata akuzohen për “kundërshtim të forcave të policisë” dhe aksident me pasojë plagosjen e dy shtetasve.
Mbrëmjen e kaluar ata kanë terrorizuar kryeqytetin, pasi nuk i kanë ndaluar policisë.
Dy shtetasit Ervin Kodra dhe Gentian Koci që lëviznin me një “Tuareg” nuk i kanë ndaluar patrullës së policisë pranë stacionit. Ata janë larguar me shpejtësi nëpër aksin e unazës.
Ndërsa Policia u është vënë në ndjekje te kryqëzimi i rrugës së Burgut, dy të rinjtë janë përplasur me një veturë që ishte në pritje të semaforit dhe dy motorët e patrullës “Shqiponja”. Të lënduar kanë mbetur dhe dy efektivët e policisë. Të rinjve që janë vënë në pranga u janë gjetur edhe dy pistoleta TT.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
