.png)
OBEL Award është një çmim i ri ndërkombëtar për arkitekturën që nderon kontributet e njerëzve me anë të arkitekturës për të mirën e përbashkët.
Në konkurs ftohen të marrin pjesë të gjithë arkitektët që mendojnë se kanë ndërtuar diçka të veçantë për njerëzit.
Konkursi synon gjithashtu të rrisë ndërgjegjësimin në publikun e gjerë për vlerën transformuese dhe shoqërore të arkitekturës.
Fituesja e konkursit ishte Anna Heringer, një arkitekte gjermane që ka ndërtuar “Anandaloy” që do të thotë “Vendi i gëzimit”
Rrethuar nga fusha të gjelbërta në Bangladeshin verior qëndron një ndërtesë e lakuar në dy kate të ndërtuara nga balta dhe bambuja. Muret e baltës dhe bambusë lakohen dhe duken sikur kërcejnë dhe një devijim i madh shtrihet deri në katin e parë. Poshtë devijimit janë shpellat që ofrojnë një vend argëtimi për të lëvizur ose një hapësirë të qetë nëse keni nevojë për një moment të ndjeheni të mbrojtur dhe të përqafuar.
Ndërtesa shumëfunksionale është një qendër terapie për njerëzit me aftësi të kufizuara në katin e parë dhe një studio tekstilesh në katin e dytë.
Ndërtesa e Anandaloy nuk është vetëm një zgjidhje për një numër të nevojave themelore dhe specifike të njeriut, projekti në tërësi është cilësuar si një përgjigje ndaj sfidës së ndërtimit duke ndërthurur me zgjuarsi një model të qëndrueshëm, social dhe arkitektonik.
Ndërsa vetë Anna Heringer e përshkruan rolin e profesionit të saj si “Arkitektura është një mjet për të përmirësuar jetën".
Nga ana arkitektonike, ndërtesa eksploron aftësitë e bambusë për të krijuar një ndërtesë të fortë.
Gjithashtu, në vend që të jetë me vijë të drejtë, ndërtesa “kërcen” në kthesa, një devijim që mbështjellet me gëzim rreth strukturës së saj të brendshme.
Ndërtuar vetëm nga materialet e vendit dhe me njohuritë e zejtarëve lokalë, projekti Anandaloy respekton kulturën dhe traditën lokale dhe, nga një dizajn shumë i thjeshtë dhe një qasje delikate ende arrin të integrojë një gamë të larmishme të nevojave njerëzore pa e dëmtuar fare mjedisin.
Arkitektja shkoi të jetonte në moshën 19-vjecare në Bangladesh dhe u përfshi shumë në kulturën e vendit.
Gjatë viteve, Anna Heringer ka realizuar projekte në Azi, Afrikë dhe Europë. Ajo ka marrë çmime të shumta: Çmimin Global për Arkitekturën e Qëndrueshme, Çmimet e Arkitekturës në Zhvillim në 2006 dhe 2008 dhe një Bursë Ndërkombëtare RIBA.
"Ka shumë burime të dhëna nga natyra falas dhe gjithçka që na duhet është ndjeshmëria jonë për t'i parë ato dhe krijimtaria jonë për t'i përdorur ato." tha Anna.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
