.png)
Pankarta kundër Valdrin Pjetrit si kryetar bashkie në Shkodër janë shpërndarë në rrugët dhe lagjet e qytetit këtë të hënë.
“Narko Valdrini jashtë Bashkisë!”, shkruhet në pankartat në fjalë, që shoqërohen me logon e deformuar të Partisë Socialiste, ku në vend të trëndafilit është vendosur gjethja e hashashit.
Partia Demokratike thotë se shkodranët kanë nisur reagimin e tyre kundër kandidatit të Ramës, të cilin e akuzon prej jaavësh si të ndaluar për trafikim të lëndëve narkotike dhe të dëbuar në Itali.
Opozita thotë gjithashtu se vetë Pjetri e ka fshehur këtë pjesë të së shkuarës së tij në formularin e dekriminalizimit, ndaj në vend të Bashkisë, sipas PD, ai duhet të shkojë në burg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
