Gazeta Si – Napoli është finalisti i parë i Superkupës së Italisë që po zhvillohet në Riad. Skuadra e trajnerit Valter Maxarri mundi 3-0 Fiorentinën, falë golit të Simeones dhe dopietës të të riut Zerbin.
Amir Rrahmani me shokë kanë një mundësi të mirë për të fituar trofeun e Superkupës. Napoli eliminoi Fiorentinën në gjysmëfinalen e parë të këtij kompeticioni, duke e mundur atë me rezultat të pastër.
Në ‘Al Awwal Park’ Napoli gjet avantazhin pas 22 minutash me Simeonen, ish-lojtar i Fiorentinës, pas një diagonaleje fituese. Pas golit të avantazhit kampionët e Italisë u mbyllën prapa dhe ia lanë lojën Fiorentinës, që shpërdoroi shansin e barazimit me një penallti të humbur nga Ikone.
Në fundin e ndeshjes, Zerbin realizoi 2 gola për 2 minuta, duke vulosur fitoren në 3-0. Tani Napoli pret të mësojë kundërshtarin e finales, që do të dalë nga përballja mes Interit dhe Lacios.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.