.png)
Firma për rinovimin e kontratës, i njoftuar prej disa kohësh, nuk po vjen. Ndërsa humbjet në Itali për Napolin e Genaro Gattusos nuk kanë fund. Që tani janë regjistruar 7, nëse përfshihet edhe ajo në Superkupën e Italisë. Shumë, me të vërtetë, për një ekip që ishte ndër kandidatët për titull dhe që ende nuk ka arritur ti japë rezultateve vazhdimësinë, duke u luhatur mes sukseseve të zhurmshme dhe dështimeve të bujshme.
Një situatë që, sot, vë në pikëpyetje pankinën e vetë Gattusos si dhe pozicionin e drejtorit sportiv Cristiano Giuntoli. Aurelio de Laurentiis është një që të jep shumë mundësi për një shans të ri dhe për këtë arsye klima në Castel Volturno nuk është ajo më e qeta. Presidenti është i zemëruar dhe pasi justifikoi ekipin pas humbjes kundër Juventus, nuk është më i gatshëm të bëjë të njëjtën gjë.
Edhe sepse fantazma e Rafa Benitez ka filluar të bëhet prezent. Spanjolli kohët e fundit ka lënë kinezët e Dalian dhe është zyrtarisht i lirë. Emri i tij është lidhur me Romën dhe veçanërisht me Celtic, por tek Napoli më shumë se një tifoz do ta përqafonte me kënaqësi përsëri. Përshtypja është se edhe disa lojtarë që kanë punuar me të më parë, nga Koulibaly te Insigne, duke kaluar përmes Mertens dhe Ghoulam, do të ishin të lumtur për kthimin e tij nën Vezuv pas përvojës 2013-2015 e cila rezultoi me një Super Kupë Italiane dhe një Kupa e Italisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
