.png)
Nafta rritet mbi 30 dollarë për të parën herë në dy muaj teksa prodhuesit në ShBA e shumë vende të tjera vazhdojnë me ndërprerjen e prodhimit, duke ndihmuar kështu në ribalancimin e tregut që ishte çrregulluar nga karantinimet e masat izoluese të koronavirusit.
Kontratat me afat të së ardhmes në New York u rritën më 5% sot pas thuajse një dyfishimi në çmim gjatë këtyre tre javëve të fundit. Numri i puseve të naftës që punojnë ka vazhduar të bie për të nëntën javë rradhazi e tashmë është në nivele që nuk është parë ndonjëherë në këtë dekadë.
Ndërprerjet e furnizimit më naftë nga ShBA vijnë krahas 10 milionë fuçive në ditë që po reduktohen nga OPEC+, reduktim ky që ka nisur që në fillim të këtij muaji. Aleanca e prodhuesve të naftës po i përgjigjet shaktërrimit të kërkesës së sjellur nga virusi me një urgjencë si kurrë më parë. Ndërkohë ndërprerjet e prodhimit të naftës janë më së miri në rrugën e tyre të heqjes së 10% të furnizimeve totale të naftës në botë.
Mohammad Barkindo, sekretari i përgjithshëm i OPEC-ut, është shprehur në një intervistë të televizionit Bloomberg se perspektiva e çmimeve të naftës gjatë gjysmës së dytë të vitit duket shumë më inkurajuese teksa dhe ekonomia botërore po rimëkëmbet.
“Ka pasur një reagim shumë të ashpër e të menjëhershëm nga ana e prodhuesve të naftës në ShBA përsa i përket ndërprerjes së prodhimit e kjo ka ndihmuar shumë në heqjen e stresit në treg”, shprehet Daniel Hynes një strateg i vjetër përsa i përket produktit të naftës në grupin bankar Australia & New Zealand. ”Çmimet vështirë të bien nën 20 dollarë fuçia veçse nëse do të ketë valë akomë më vdekjeprurëse të virusit në ekonomitë madhore”, shton ai.
Kontratat me afat të Naftës bruto WTI janë rritur sot me 5.4%, nga sesioni i kaluar i tregtimit, në 31.01 $ fuçia në “New York Mercantile Exchange”. Ndërsa kontratat me afat të së ardhmes të naftës bruto Brent janë rritur me 3.45 % sot duke u tregtuar kështu me 33.62 dollarë fuçia në “ICE Futures Europe Exchange”.
Sidoqoftë ka një risk se rimëkëmbja e naftës mund të përkeqësohet nëse pandemia përkeqësohet. Drejtuesi i Rezervës Federale të ShBA-së Jerome Powell ka paralajmëruar se aksionet dhe aktivet e tjerë që janë rritur në mënyrë të ndjeshme gjatë muajit të kaluar mund të përjetojnë një zbritje po aq të theksuar në çmim nëse do të ketë hapa pas në luftën e kontrrollit të koronavirusit. “Rimëkëmbja e ekonomisë amerikane mund të zgjatet gjer në fund të vitit tjetër”, është shprehur ai në një televizion amerikan të dielën në mbrëmje.
Iraku, prodhuesi i dytë më i madh brenda OPEC-ut është shprehur se planifikon ta ndalojë prodhimin e naftës në rafineritë e tij në jug-lindje të Al-Ahdab si rezultat i protestave që po bllokojnë operacionet e saj, sipas një personi që kishte njohuri për situatën. Protestuesit po kërkojnë dorëheqjen e guvernatorit e provincës Ëasit, në të cilën ndodhen rafineritë, së bashku me dy deputetët e tij shprehet personi i cilia ka dëshiruar të qëndrojë anonim për Bloomberg pasi ky informacion akoma nuk është bërë publik nga mediat e Irakut.
Ky artikull është marrë nga Bloomberg dhe është përshtatur në shqip nga Gazeta “Si”.
Ky material nuk lejohet të kopjohet, apo riprodhohet pa miratimin e Gazetës “Si”. Ai është pronë intelektuale e gazetasi.al dhe si i tillë mbrohet nga ligji.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
