.png)
Në zgjedhjet e ardhshme parlamentare, fletës së votimit do t’i shtohet edhe një sigël e re politike, ajo e deputetit Myslim Murrizi që zgjedhjet e kaluara garonte me siglën e PD-së.
Ai do të drejtojë Lëvizjen Demokratike Shqiptare, dhe ashtu siç edhe pritej, pjesë e saj nuk do të jetë deputetja Rudina Hajdari.
“Me nismën e 4 deputetëve Myslim Murrizi, Alban Zeneli, Halit Valteri dhe Arlind Çaçani si dhe mbështetur nga 4602 firmëtarë nga çdo qark krijuam një subjekt politik.
Ndoshta e para parti politike që është krijuar në 30 vite pluralizëm, pa ish komunistë, pa ish sigurimsa dhe spiunë sigurimi, pa na i mbledhur firmat pushteti dhe parti politike që nuk është “ shitur” nga njëri kryetar tek kryetari blerës siç ka jo pak të tilla
Ftojmë çdo shqiptar t’i bashkohet Lëvizjes Demokratike Shqiptare për të ndikuar me fuqinë e votës në 25 prill 2021 për një politikë ndryshe”, shkruan Murrizi në Facebook.
Partia Lëvizja Demokratike Shqiptare do të konkurojë në çdo qark me
lista 100% të hapura. Por cili është programi i Murrizit?
“Beteja me 5 hajdutët dhe mashtruesit hipokritë që prej 30 vitesh tallen me shqiptarët sikur luftojnë njeri tjetrin por për 30 vjet ndajnë tendera dhe pasuritë publike së bashku...”, shkruan Murrizi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
