.png)
Kreu i KQZ, Ilirjan Celibashi në një deklaratë për mediat, tha se zgjedhjet e të dielës në Kukës do të kushtojnë 25. 5 milionë lekë, që sipas tij janë fonde të mbetura nga zgjedhjet e 14 majit.
Sipas Celibashit do të jenë 74 qendra votimi dhe një prej tyre do të jenë në institucionin e paraburgimit.
I pyetur nga gazetarët se përse janë miratuar vetëm 9 propozime nga PD për komisionerët në qendrat e votimit, ai tha se 11 të tjerat janë me mungesë dokumentacioni dhe se kanë afat që t’i saktësojnë deri ditën e zgjedhjeve.
“11 propozimet e tjera janë me mangësi në dokumentacion. Jemi në këtë proces i cili objektivisht lindi si problematikë për shkak të vendimit të Kolegjit Zgjedhor, që i dha të drejtën PD që të ketë një komisioner më shumë në të gjitha qendrat e votimit, dhe ndoshta dhe ata kanë qenë të papërgatitur për të plotësuar dokumentacionin. nëse nuk e përmbushin këtë deri në ditën e zgjedhjeve, do bëhen zëvendësimet përkatëse. Por besoj se janë duke bërë plotësimin”, tha Celibashi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
