Për një moment, kur Valmir Nafiu barazoi, u duk se Shkëndija e Tetovës do të bënte surprizën ndaj Totenhemit, por më pas anglezët shënuan edhe dy gola të tjerë dhe tashmë janë në turin tjetër, atë të “play-off”-it të grupeve të Ligës së Europës. Lamela, Son dhe Kejn janë autorët e tre golave për skuadrën e Mourinjos në këtë ndeshje, që u mbyll 1-3. Titullar në formacionin e trajnerit Ernest Gjoka ishte edhe mesfushori Bruno Dita.
Milani ka vuajtur jo pak për kualifikimin ndaj norvegjezëve të Bodo Glimt, që kaluan të parët në avantazh, por u mundën 3-2. Pa Ibrahimoviç, trajneri Stefano Pioli hodhi në fushë 18-vjeçarin Kolombo, i cili shënoi një gol. Dy golat e tjerë u shënuan nga turku Çalhanoglu. Surprizë në këtë tur ishte eliminimi i Beshiktashit në fushën e tij nga Rio Ave.
Emocionet e Ligës së Europës i kanë provuar edhe tre lojtarë shqiptarë të Lokomotivës së Zagrebit, Kallaku, Çokaj dhe Mersinaj ishin në fushë nga minuta e parë ndaj Malmoes, që u tregua e pamëshirshme dhe fitoi 5-0. Është eliminuar edhe Drita e Kosovës nga polakët e Legias së Varshavës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.