Nga Gazeta Si - Në kuadër të Ditës Ndërkombëtare të të drejtave të Fëmijëve, aktivistë të shoqërisë civile dhe mbrojtjes së fëmijëve marshuan përgjatë bulevardit “Dëshmorët e Kombit” duke bërë thirrje për ndërgjegjësim kundra çdo lloj forme të dhunës ndaj fëmijëve në Shqipëri.
Marshimi i fjongos blu, organizuar çdo vit nga CRCA / ECPAT Albania, është kthyer tashmë në një traditë për të treguar angazhimin dhe kurajon e shoqërisë civile për të çuar zërin dhe shqetësimin për shkeljen e të drejtave të fëmijëve!
![](https://gazetasi.al/wp-content/uploads/2023/11/hazizaj1.jpg)
Këtë vit, përpos shoqërisë civile, marshimit iu bashkua edhe një grup gjimnazistesh, vullnetare të Kryqit të Kuq në Shqipëri si dhe përfaqësues të Ambasadës së Sllovenisë në Tiranë.
Mesazhi kryesor i këtij viti ishte “Ma Mbro Fëmijërinë”.
Më herët, Drejtori i CRCA, Altin Hazizaj ka thënë për Gazetasi.al se ministritë përgjegjëse duhet të bëjnë më shumë për mbrojtjen e fëmijëve, sidomos nëpër shkolla ku rreziku për të rënë pre e abuzimit është i madh.
![](https://gazetasi.al/wp-content/uploads/2023/11/hazizaj7.png)
![](https://gazetasi.al/wp-content/uploads/2023/11/hazizaj6.png)
![](https://gazetasi.al/wp-content/uploads/2023/11/hazizaj5.jpg)
![](https://gazetasi.al/wp-content/uploads/2023/11/hazizaj4.jpg)
“Ministret e arsimit duhet të japin llogari se përse i kanë lejuar vepra të tilla si shitja e lëndëve narkotike që të përhapen kaq shumë në shkolla dhe të shkojë në këtë gjendje”.
Ndërkohë, çdo ditë raportohen 2-3 faqe me përmbajtje të bullizmit ekstrem apo dhunës seksuale ndaj fëmijëve në Shqipëri.
Këto dy tema janë një shqetësim i madh për vendin tonë, sipas Hazizaj i cili thotë se qeveria duhet të bëjë më shumë për t’i mbrojtur fëmijët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.