Zbardhet kërkesa në Gjykatën e Apelit e mjekut Edvin Prifti për heqjen e masës së sigurisë “arrest me burg”.
Kardiologu Edvin Prifti ka kërkuar lehtësim mase në “detyrim paraqitje”.
Ndërkaq ka kërkuar që t’i kthehen lekët e sekuestruara pasi sipas tij janë kursime familjare.
Mjeku Edvin Prifti u la pak ditë më parë në burg, pasi Prokuroria i shtoi akuzën për pastrimin e parave, pas shumës së madhe të lekëve që iu gjet në shtëpinë e tij, por sot avokatët kanë depozituar në Gjykatën e Apelit kërkesën për lirimin e tij. SPAK i gjeti mjekut në banesë dhe në zyrë 250 mijë euro dhe 160 milionë lekë (rreth 500 milionë lekë në total).
Emri i mjekut kardiokirurg dhe infermieres së QSUT-së dolën pas hetimeve të SPAK për rastin e lirimit të një të dënuari me 25 vite burg në Fushë-Krujë, ngjarje për të cilën u arrestuan 10 persona mes të cilëve edhe gjyqtarja Enkeleida Hoxha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
