Një 11-vjeçar është përplasur nga një minubus sot në fshatin Suk në Roskovec.
Policia e Fierit thotë se ngjarja ka ndodhur rreth orës 11:45.
Automjeti tip “Iveko”, me shofer shtetasin me inicialet A. M, ka aksidentuar të miturit me iniciale E. V. 11 vjeç, banues në Roskovec, i cili po udhëtonte me biçikletë. Më pas ka goditur një automjet tip “Audi”, i cili ishte i parkuar në anë të rrugës.
Mësohet se i mituri është transportuar në spitalin Rajonal të Fierit, nën kujdesin e mjekëve.
Drejtuesi i mjetit është shoqëruar në Komisariatin e Policisë Fier dhe po kryhen veprimet hetimore për zbardhjen e plotë të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.