.png)
Ministria e Financave ka vendosur rikthimin e ankandit për obligacionet 15-vjeçare pas suksesit të atij të parit, për huamarrje nga qeveria.
Ankandi i radhës pritet të jetë më 9 maj 2022, nën ofertën e 5 mld lekëve. Ky do të jetë ankandi i tretëpër obligacionet 15-vjeçare, pas nisjes në nëntor 2021 dhe një kërkese për rikthim në shkurt 2022.
Në nëntor 2021 ishte hera e parë që qeveria provoi huamarrjen e brendshme me maturitet 15-vjeçar, duke testuar kështu tregun që në fakt reagoi pozitivisht. Kujtojmë se titujt afatshkurtër kanë qenë gjithmonë më të preferuar.
Në fillim të vitit 2022, Ministria e Financave shtyu afatin për ankandet e titujve qeveritarë, por i riktheu përsëri në fillim të prillit.
Që në nisje të këtij viti, kuponi apo yield-i i titujve ka pësuar rritje të herëpashershme lidhur me zhvillimet ekonomike dhe pasigurtë financiare të investitorëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
