Ministri i Mbrojtjes së Qytetarëve Giannis Oikonomou u takua me homologun e tij shqiptar Taulant Balla të enjten në Tiranë para nisjes së takimit të ministrave të Brendshëm të Rajonit në kuadër Procesit të Berlinit.
Sipas një postimi në rrjetet sociale, Oikonomou foli me Ballën edhe për Fredi Belerin, kryetarin e Bashkisë së Himarës i zgjedhur në zgjedhjet e 14 majit, por që nuk është lejuar të betohet pasi u arrestua dhe po gjykohet me akuzën për shitblerje të votave.
Ai ngriti shqetësimet për zgjatjen e paraburgimit të Belerit përpara gjyqit të tij. Ministri tha se u fokusua veçanërisht që Belerit t'i jepet e drejta për t'u betuar dhe për të kryer detyrën si kryetar bashkie, i zgjedhur sipas tij, në mënyrë demokratike.
Pë ministrin greke procedura e gjyqit të ndjekur ka shkelur parimet e prezumimit të pafajësisë dhe është në kundërshtim me acquis evropiane, e cila ishte një parakusht themelor për perspektivën evropiane të Ballkanit Perëndimor. Ndërsa është bërë e ditur se ministri grek pritet ta vizitojë nesër Belerin në qelinë e burgut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.