.png)
Ministrat e Jashtëm të Bashkimit Evropian zhvilluan një takim në Kiev, si shenjë mbështetjeje për Ukrainën.
Ministri i Jashtëm ukrainas Dmytro Kuleba, ka thënë se mesazhi i takimit është që BE-ja po zgjerohet nëpër Ukrainë dhe se ukrainasit janë shumë mirënjohës.
“Ky takim historik” është mbajtur jashtë kufijve aktualë të BE-së, por brenda kufijve të BE-së në të ardhmen.
Ky takim nuk është bërë publik paraprakisht për çështje sigurie.
Një prej temave në agjendën e takimit është propozimi i kryediplomatit të BE-së Borrellit për të bërë përkushtime për ndihmën ushtarake që duhet ndarë për Ukrainën.
Borrell dëshiron t’i ndajë 5 miliardë euro si ndihmë vjetore për Ukrainën në periudhën 2024-2027, ndonëse këtë vendim ministrat nuk pritet ta marrin në Kiev.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
