.png)
Gazeta Si – Nga fillimi i operacionit nga toka në Rripin e Gazës janë vrarë në total 91 ushtarë izraelitë. Sipas Hamasit, në Gaza ka një bilanc prej 17.487 viktimash.
Një grup ministrash të jashtëm të vendeve arabe në Uashington u janë drejtuar SHBA-ve me një apel për të ndalur menjëherë sulmin në Gaza.
"Mesazhi ynë është se besojmë se është absolutisht e nevojshme që t’u jepet fund luftimeve”, - ka thënë ministri i jashtëm saudit, princi Faisal bin Farhane, në emër të të gjithë grupit.
Hamasi "vazhdon të jetë kërcënim për Izraelin, për këtë arsye, ndërsa SHBA-të mbështesin me forcë paqen, ku izraelitët dhe palestinezët mund të jetojnë në siguri, nuk pranojmë kërkesat për një armëpushim të menjëhershëm". Kjo është deklarata e zëvendësambasadorit të SHBA-ve në Kombet e Bashkuara, Robert Wood.
Ai ka folur në mbledhjen e Këshillit të Sigurisë të OKB-së për situatën në Gaza.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
