Teknologji

Microsoft fshin bazën e të dhënave të njohjes së fytyrës

Microsoft ka fshirë një bazë të dhënash të 10 milion imazheve të cilat u përdorën për të trajnuar sistemet e njohjes së fytyrës, raporton Financial Times. Baza e të dhënave u lirua në vitin 2016 dhe u ndërtua nga imazhet online të 100,000 njerëzve të mirënjohur. Baza e të dhënave besohet se është përdorur për të trajnuar një sistem të drejtuar nga forcat e policisë dhe ushtria. Fshirja vjen pasi Microsoft i bëri thirrje politikanëve të SHBA të bëjnë një punë më të mirë në sistemet e njohjes.


Përdorimi aktiv
Microsoft tha për FT se baza e të dhënave nuk ishte më e disponueshme, sepse personi që e kishte kuruar atë tani nuk është më pjesë e komapnisë. Vitin e kaluar Presidenti i Microsoft, Brad Smith, i kërkoi Kongresit të SHBA të merrte detyrën e rregullimit të përdorimit të sistemeve të njohjes së fytyrës, sepse ata kishin “pasoja të mëdha shoqërore dhe potencial për abuzim”. Kohët e fundit, Microsoft hodhi poshtë një kërkesë nga policia në Kaliforni për të përdorur sistemet e saj të zbulimit të fytyrës në kamera dhe makina të trupit. Seti masiv i imazheve, i quajtur bazën e të dhënave MSCeleb, u përpilua nga imazhet e njerëzve të famshëm që gjenden në internet.

Projekti Megapixels, i cili regjistron bazat e të dhënave, thotë se “shumica” e imazheve ishin aktorë amerikanë dhe britanikë, si dhe figura të tjera si gazetarë, artistë, muzikantë, aktivistë, krijues të politikave, shkrimtarë etj. Megjithëse të dhënat nuk janë më të disponueshme nga Microsoft, ndoshta sistemi është duke u përdorur ende nga njerëzit që kanë shkarkuar një kopje. “Nuk mund të zhdukësh një grup të dhënash”, tha Adam Harvey nga faqja Megapixels për Engadget. “Sapo të postoni, dhe njerëzit e shkarkojnë atë, ekziston në hard disqet në të gjithë botën”.

 

Më Shumë