.png)
Metani është një problem i fshehur i planetit tonë. Ky lloj gazi është përgjegjës për një të tretën e ngrohjes globale. Nivelet e metanit në atmosferë janë rritur gati 7% që nga viti 2006. Studiuesit po kërkojnë burimin e kësaj rritjeje. Sipas tyre, një e dhënë e rëndësishme vjen nga mikrobet në lagunat tropikale.
"Ne kemi pak kontroll për mikroorganizmat e tokës," thotë Paul Palmer, një kimist në Universitetin e Edinburgut.
Shumica e shkencëtarëve të klimës tashmë kanë rënë dakord se rritja e metanit pas vitit 2006, nuk ka ardhur kryesisht nga prodhimi i karburanteve fosile.
Kjo për shkak se metani atmosferik është pasuruar gjithnjë e më shumë me karbon-12, izotopi më i lehtë i karbonit.
"Ky është një sinjal shumë domethënës," tha Xin Lan, një shkencëtar në Laboratorët e Kërkimit të Sistemit të Tokës (ESRL), Colorado.
Por rritja e metanit gjatë dy viteve të fundit dukej se vinte nga një burim tjetër.
Studimet tani po kërkojnë për këtë lëndë në Sudanin e Jugut, ish-kënetën më të madhe të kontinentit dhe një rajon që studiuesit nuk kanë qenë në gjendje ta studiojnë në terren për shkak të konflikteve.
Duke përdorur satelitin e vëzhgimit të gazeve serë të Japonisë, i cili mat sasinë e dritës së përthithur nga metani në gjatësi vale infra të kuqe, ekspertët vërtetuan se kishte një shtesë të metanit në ajër.
Një studim i dytë, i postuar së fundmi nga shkencëtar mjedisor në Universitetit të Harvardit tregon të njëjtën gjë. Ekspertët kanë shkruar se kur metani kombinohet me gazet të tjera në hapësirë nxit temperaturat e larta.
Në vitin 2021, më shumë se 100 vende nënshkruan “Betimin Global të Metanit”, i cili do të shkurtonte emetimet me 30% nga nivelet e vitit 2020, kryesisht duke mbyllur rrjedhjet nga infrastruktura e naftës dhe gazit.
Disa shkencëtarë madje kanë diskutuar heqjen e metanit nga ajri.
“Por këto përpjekje mund të mos kompensojnë emetimet në rritje të mikrobiotës në laguna”, thotë Benjamin Poulter, një modelues biogjeokimik në Qendrën e Fluturimeve Hapësinore Goddard të NASA-s.
Ai shtoi se ka shumë skenarë për të minimizuar metanin në tokë, por përqindja më e madhe e tij është në atmosferë.
Burimi: Science/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
