Presidenti Ilir Meta këmbëngul në bindjen e tij se 25 prill është një referendum për shqiptarët dhe fton qytetarët që të dalin masivisht të votojnë në këtë datë.
Thirrja e tij u bë në Ditën Botërore të Zgjedhjeve. Ai deklaroi se pjesëmarrja më 25 prill është mision patriotik e historik.
“U bëj thirrje të gjithë të rinjve dhe shqiptarëve, të marrin pjesë në referendumin historik të 25 prillit 2021. Vota është fuqia e vërtetë e çdo qytetari, sidomos e të rinjve, që kërkojnë dhe mezi presin ndryshimin e madh. Pjesëmarrja në zgjedhje, është një mision patriotik. Askush nuk duhet të mungojë!”, thotë Presidenti.
Meta e mbyll reagimin duke garantuar qytetarët se është i vendosur për të mos lejuar askënd që të prekë votën e qytetarëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
