Me nisjen e mësimit nga shtëpia, të gjitha shkollat; publike dhe private po organizohen sipas mënyrës që kanë përzgjedhur për të vijuar programin mësimor në ditët e karantinës për të parandaluar përhapjen e mëtejshme të mundshme të virusit të ri.
Në adresën e gazetës “Si”, ka mbërritur një video e Shkollës Ndërkombëtare Franceze të Tiranës ku shfaqet një nxënëse e klasës së tretë në ditën e parë të mësimit nga shtëpia.
Ajo është Gaia, një vajzë 9-vjeçare me baba italian dhe nënë shqiptare që jetojnë në Tiranë.
Gaia thotë për gazetën “Si” se momenti i lajmërimit që nuk do të shkonin në shkollë qe entuziast për të gjithë nxënësit, por menjëherë më pas “kur na lajmëruan që do të zhvillonim mësimin nga shtëpia na ngriu buzëqeshja. Është e sikletshme organizmi sepse në klasë organizimi është shumë i mirë”- thotë Gaia për gazetën “Si”.
E ëma tregon për gazetën “Si” se momenti i parë me krijimin e llogarive të adresave që do të komunikonin me shkollën “ishte disi i sikletshëm për çështje teknike. Këtë e bëra unë, kurse me mbarëvajtjen e mësimit me Gaiën do të merret i ati”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.