Futboll

Merkato/ Milani gjen në Angli një zëvendësues për Hernandezin

Merkatoja në hyrje e Milanit mund të mos jetë mbyllur ende. Ashraf Lazar, ish-mbrojtësi i majtë i Palermos, Beneventos dhe Kozencës, ka prishur kontratën me Njukasëllin dhe tashmë është lojtar i lirë, kështu që klubi kuqezi mund ta marrë me parametra zero.

Futbollisti maroken, i monitoruar nga drejtuesit e Milanit, mund të bëhet zëvendësuesi i Teo Hernandezit në organikën e trajnerit Stefano Pioli. Pas Manxhukiçit, Meites dhe Tomorit, Milani mund të kompletojë “poker”-in në merkaton e dimrit. Me Dalot, i cili preferon të luajë në të djathtë, mungon një zëvendësues për Hernandezin dhe ky boshllëk mund të mbushet me Lazarin, një operacion “low-cost”.

Lazar, objektiv i Milanit në merkato. Gazeta Si, 4 shkurt 2021

Milani ka qenë ndër klubet më aktive në merkaton e dimrit. Ecuria e mirë e skuadrës që kryeson Serinë A i ka bërë drejtuesit që të këmbëngulin më shumë në merkaton e dimrit për të dubluar çdo rol, në mënyrë që Milani ta ruajë këtë pozicion deri në fund. Në shumë ndeshje trajneri Pioli ka pasur shumë mungesa për shkak të Covid-19, dëmtimeve të ndryshme dhe kartonëve.


Copyright © Gazeta “Si”


Më Shumë