.png)
Përdorimi i mediave sociale rrit depresionin dhe vetminë. Konfirmimi vjen nga një studim eksperimental në Facebook, Instagram dhe Snapchat nga Universiteti i Pensilvanisë, i cili tregon një marrëdhënie rastësore midis kohës së kaluar në platformat sociale dhe një rënieje në mirëqenie.
Hulumtimi, i botuar në “Journal of Social and Clinical Psycology”, shqyrtoi 143 studentë universitarë dhe kohën që kaluan në mediat sociale, të certifikuara nga iPhone. Pjesëmarrësve iu kërkua të përgjigjen në pyetjet rreth gjendjes shpirtërore dhe mirëqenies; më vonë u formuan dy grupe, një për kontroll dhe një për reduktimin e përdorimit të rrjeteve sociale 10 minutëshe për secilën prej tre platformave, të cilat janë më të përdorurat nga studentët e përfshirë, për tre javë.
Me këto të dhëna, studiuesit ekzaminuan nivelet e disponimit të caktuara si ankthi, depresioni dhe vetmia: "Përdorimi i mediave sociale më pak se zakonisht, shkaktoi një rënie të konsiderueshme në depresion dhe vetmi. Këto efekte janë të theksuara sidomos për njerëzit që ishin më të dëshpëruar kur hynë në studim", - shpjegon psikologia Melissa G. Hunt, autore e hulumtimit.
Kjo nuk do të thotë se 18-22 vjeçarët duhet të ndalojnë përdorimin e mediave sociale, por reduktimi i përdorimit të tyre nuk do t’i dëmtonte.
"Kjo mund të duket e çuditshme, që përdorimi më pak i mediave sociale t’i bëjë të ndjehen më pak të vetmuar, por disa publikime në shfaqjen e subjektit, evidentojnë që ka një konfrontim të fortë social: kur shikohet jeta e njerëzve të tjerë, veçanërisht në Instagram, është e lehtë të konkludohet se jeta e të gjithë të tjerëve është më e bukur ose më e mirë se të tjerët ", përfundon Hunt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
