.png)
Shqipëria është renditur në top dhjetëshen e vendeve më të mira për tu vizituar në shtator sipas medias britanike CN Travell. Në një listë prej 25 vendeve, Shqipëria ndodhet në vendin e 10-të si një nga destinacionet më interesantë që duhet vizituar në fillim të vjeshtës.
“Ndonëse mund të mos jetë Kroacia e Re, kjo perlë ballkanike mund të jetë një arsye mjaft e mirë për të udhëtuar nga Britania e Madhe pas sezonit veror. Alpet shqiptare kërkojnë një aventurier të guximshëm për t’i vizituar. Mund të ‘arratiseni’ në Rivierën Shqiptare për të admiruar rërën e artë dhe ujin e kthjellët të detit, që lakojnë nëpër limane të thepisura", evidenton përshkrimi i CN Traveller. Sipas shkrimit, në verë plazhet janë të mbushura me vendas nga Tirana e jo vetëm, por në shtator teksa të gjithë kthehen në punë, ju mund të shijoni paqen e bregdetit të boshatisur si dhe klimën mesdhetare dhe Adriatikun e ngrohtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
