Një 19-vjeçar është vënë në pranga, pasi është kapur duke qarkulluar me një armë në makinë. Policia e Shkodrës sqaron se është arrestuar shtetasi S.Gj., i cili ishte duke udhëtuar në një makinë që drejtohet nga F. M., i cili nuk kishte leje drejtimi.
Arma, tip automatik, është gjetur poshtë sediljes, ku ishte ulur i riu dhe pas verifikimeve rezuloi se i përkiste atij.
Ndërkohë janë proceduar dhe F. M., 17 vjeç, për veprat penale “Drejtim mjeti në mënyrë të parregullt” dhe “Moskallëzim krimi”, si dhe vëllezërit G. K., 19 vjeç e G. K., 15 vjeç, pasagjerë në mjet, për veprën penale “Moskallëzim krimi”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.