Një person ka përfunduar në prangat e policisë së Shkodrës pasi është kapur me armë zjarri.
Mësohet se i arrestuari është 54-vjeçari me iniciale V.K., banues në lagjen “10 Korriku” Shkodër.
Ngjarja ka ndodhur ditën e sotme, ku gjatë kontrollit të policisë atij iu gjetën një armë zjarri Automatike dhe një Pistoletë, me krehër dhe fishekë.
Lidhur me këtë rast policia ishte sinjalizuar nga banorët e zonës. 54-vjeçari u shoqërua në komisiariatin e Policisë së Shkodrës.
Policia njofton se materialet në ngarkim të këtij shtetasi i kaluan Prokurorisë për veprime të mëtejshme, për veprën penale “Prodhimi dhe mbajtja pa leje e armëve luftarake dhe e municionit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.