Byroja Kombëtare e Hetimit ka përmbyllur procesin e shqyrtimit të aplikimeve fillestare për hetues, duke kualifikuar 421 kandidatë për 32 vende të lira.
Komisioni i Përzgjedhjes, ka shqyrtuar 572 aplikime, ku u kualifikuan 421 kandidatë dhe 151 kandidatë nuk kaluan në fazën tjetër.
Në njoftimin e BKH-së thuhet se testi i arsyetimit logjik do të zhvillohet në Pallatin e Kongreseve dhe menjëherë pas tij do të zhvillohet edhe testi i Aftësive Fizike.
Testet do të zhvillohen në datat 1 dhe 4 qershor dhe kandidatët e kualifikuar për këtë fazë do të njoftohen pas përfundimit të Testit Logjik.
Për të parë listën me kandidatët e kualifikuar, mjafton të shkarkohet lista e kandidatëve që gjendet në faqen zyrtare të BKH-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.