Kopshti 31 në Tiranë nga nesër mbyllet për 2 javë.
Burime të Gazetës “Si” thonë se vendimi për mbylljen e kopshtit për 2 javë është marrë pasi kanë rezultuar pozitiv me Covid-19 6 veta, që janë personel.
Ndërkohë pritet të dalin edhe të tjerë të infektuar, pasi janë në pritje të përgjigjes së tamponit.
Ndërsa, në shkollën 9-vjeçare “Emin Duraku” gjatë ditës së sotme kanë rezultuar edhe 5 mësues të tjerë të infektuar me COVID-19, duke e çuar në 10 numrin e mësuesve të infektuar, plus dhe 3 sanitare.
Në lidhje me infektimin e 10 mësuesve dhe 3 sanitareve në shkollën “Emin Duraku” reagoi dhe Drejtoria Arsimore duke thënë se mësimi në këtë shkollë vijon normalisht dhe se mësuesit e infektuar janë zëvendësuar. Drejtoria Arsimore theksoi se janë marrë të gjitha masat për zhvillimin normal të mësimit dhe është bërë dezinfektimi i shkollës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.