.png)
Gazeta Si - SPAK ka mbyllur hetimet dhe ka dërguar kërkesën për gjykim ndaj ish-kryebashkiakut të Kukësit Safet Gjici, i cili akuzohet për skandalin seksual në zyrën e tij.
Gjici ra në pranga për veprën penale korrupsion pasiv i funksionarëve të lartë shtetërorë apo i të zgjedhurve vendorë.
SPAK i ka komunikuar akuzën edhe Alma Kaçit, protagonistes në videon e publikuar pak muaj me parë, e cila akuzohet për korrupsion aktiv dhe ndodhet në arrest shtëpie.
LEXO EDHE:
- Burg për Safet Gjicin. Për Alma K. 'arrest shtëpie'. Paraqitet në gjykatë me kapele numër 69! (foto, video)
- Skandali erotik në zyrën e Gjicit, Alma K. debaton me gazetarët në GJKKO: Jeni bërë si lypësit te semafori!
Gjici shfaqej në disa pamje filmike të regjistruara në zyrën e tij nga shtetasja Alma Kaçi, duke kryer marrëdhënie seksuale, ndërsa kjo e fundit i kërkoi ta favorizonte në një projekt për rehabilitimin dhe strehimin e qenve.
Kryetari i Bashkisë së Kukësit, Safet Gjici u arrestua në 24 qershor të këtij viti për korrupsion pasiv me urdhër të SPAK.
Ai e ka mohuar para gjykatës akuzën duke deklaruar se nuk ka nisur asnjë procedurë ligjore për tenderin që pretendohet.
Ndërsa ajo është paraqitur disa herë në dyert e gjykatës për të dhënë deklarime rreth çështjes, por nga ana tjetër i është refuzuar disa herë kërkesa për zbutje të masës së sigurisë, nga “arrest në shtëpi”, në “detyrim paraqitje”.
Kaçi është shprehur se e ka bërë vetë videon, pasi në takimin e parë që kishte bërë me të ai e kishte ngacmuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
