.png)
Nga Gazeta ‘Si’-40.5% e fluturimeve të planifikuara për këtë vit në Shqipëri janë me kosto të ulët, sipas një analize të kryer nga Mabrian.
Referuar analizës të mbi dy miliardë destinacioneve të linjave ajrore hyrëse në shkallë globale, dhe përkatësisht 173 linjave, rezulton se në mbarë botën vetëm 36% e fluturimeve hyrëse janë me kosto të ulët.
Shtetet e Bashkuara kryesojnë për sa i përket përqendrimit më të madh të linjave ajrore me kosto të ulët (low-cost), me më shumë se 395 milionë vende. Më pas vjen India me 147 milionë vende, Spanja me 108 milionë vende, Kina me 98 milionë vende dhe Italia me 85 milionë vende me kosto të ulët.
Ndërkohë, kompanitë me kosto të ulët Southwest, Ryanair, Indigo, Easyjet dhe Spirit zënë vendin kryesor në renditjen e vëllimit të sediljeve/ ulëseve.
Sipas rajonit gjeografik, brenda Europës, Mabrian tregon se shtetet që përjetojnë fluksin më të lartë të fluturimeve hyrëse me kosto të ulët dhe, për rrjedhojë, shfaqin një mbështetje më të madhe buxhetore në këto linja ajrore përfshijnë Letoninë, Bullgarinë, Lituaninë, Belgjikën, Sllovakinë, Italinë, Hungarinë, dhe Maqedoninë e Veriut.
Në secilin prej këtyre vendeve, përqindja e fluturimeve me kosto të ulët tejkalon 70 për qind.
Vendet me popullsinë më të madhe (përveç Kinës), India, Meksika dhe Brazili, të gjitha kanë fluturime me kosto të ulët me më shumë se 60 për qind të totalit.
"Arsyeja është se fenomeni 'low-cost' i ka lejuar transportuesit të konkurrojnë me rrjetet e autobusëve dhe trenave,” vuri në dukje një konsulent i specializuar në fushën e aviacionin dhe turizmin Gavin Eccles nga GE Consulting.
Bazuar në analizën e Mabrian, në Azi, më shumë se 60 për qind e të gjitha fluturimeve hyrëse me kosto të ulët janë regjistruar në Indi, Afganistan, Kazakistan dhe Taxhikistan.
Për më tepër, Mabrian zbuloi se brenda Paqësorit, vendi që merr më shumë fluturime me kosto të ulët është Australia, me 46 për qind. Nga ana tjetër, në vende si Zelanda e Re, Palau dhe Fixhi, përqindja e linjave ajrore me kosto të ulët është shumë e ulët.
Meksika shquhet gjithashtu si vendi me përqindjen më të lartë të fluturimeve me kosto të ulët në Amerikën e Veriut, me mbi 60 për qind. Ndërkohë, Shtetet e Bashkuara regjistrojnë një peshë prej vetëm 33.7 për qind të këtyre fluturimeve.
Siç thekson Mabrian, Puerto Rico tejkalon një nivel prej 50 për qind të fluturimeve me kosto të ulët në Karaibe dhe Amerikën Qendrore. Megjithatë, Xhamajka, Republika Domenikane dhe Haiti janë mbi 40 për qind.
Përveç kësaj, Brazili zë vendin me prevalencën më të madhe të fluturimeve hyrëse me kosto të ulët në Amerikën e Jugut, me 60 për qind.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
