.png)
Policia e Durrësit ka vënë në pranga një 44-vjeçar, pasi ka thyer karantinën dhe ka hapur lokalin, duke shkelur urdhrin e qeverisë dhe i është gjetur edhe një pistoletë pa leje në lokal.
Mësohet se në pranga është vënë shtetasi me inicialet E. L., 44 vjeç, banues në Durrës.
Siç njofton policia, pas kontrollit të ushtruar në lokalin e tij në lagjen nr. 18, Durrës, atij i është gjetur dhe sekuestruar në cilësinë e provës materiale një armë zjarri pistoletë tip “Beretta” dhe një krehër me 4 fishekë.
Gjithashtu u mor masë administrative sipas Aktit Normativ, për subjektin “Bar Kafe” në administrim të shtetasit E. L., i cili u konstatua i hapur.
Materialet i kaluan Prokurorisë së Rrethit Gjyqësor Durrës, për veprën penale “Armëmbajtja pa leje”, për të cilën Kodi Penal parashikon dënimi me burgim deri në 7 vjet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
