.png)
Presidenti italian Sergio Mattarella i është drejtuar sot kombit në një fjalim të fuqishëm duke i kërkuar Bashkimit Europian të ndërhyjë në Itali përpara se të jetë shumë vonë.
Ai falënderoi BE-në për mbështetjen e deritanishme, por shtoi se ishte e nevojshme të bëhej më shumë, pasi sipas tij “Italia po jetonte një nga faqet më të errëta të historisë së saj”.
“Mbështetja konkrete ka ardhur nga disa prej vendeve të BE-së. Në Bashkimin Europian, Banka Qendrore dhe Komisioni, ditët e fundit, kanë marrë vendime të rëndësishme të mbështetur nga Parlamenti Europian. Por duhet bërë më shumë. Shpresoj që të gjithë ta kuptojnë plotësisht, para se të jetë vonë, seriozitetin e kërcënimit , jo vetëm për Italinë por edhe për Europën."
Mattarella iu drejtua njerëzve që humbën jetën për shkak të kësaj epidemie, dhe familjeve të tyre, pasi qeveria ua bëri të qartë se nuk mund të merrnin pjesë në funeralin e të dashurve të tyre. Ai thotë: "Ne po jetojmë një faqe të trishtuar në historinë tonë. Ne kemi parë imazhe që do të jetë e pamundur të harrohen. Disa grupe njerëzish dhe veçanërisht brezi i vjetër" po paguajnë një çmim shumë të lartë ".
Nga njëra anë Presidenti u tha italianëve të tregojnë guxim dhe nga ana tjetër i kujtoi Bashkimit Europian detyrat e tij.
"Askush nuk do të shpëtojë nga kjo pandemi i vetëm", paralajmëroi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
