Gazeta Si – Sulmuesi dhe kapiteni i Interit nuk shënonte me fanellën e kombëtares argjentinase prej një viti e gjysmë. Ai realizoi golin e tretë në miqësoren me Kosta Rikën, 6 minuta pasi kishte hyrë në fushë.
Turneu amerikan i Argjentinës, këtë herë pa Leo Mesin, është mbyllur me një tjetër fitore. Trajneri Lionel Skaloni bëri rotacion dhe provoi alternativa të tjera. Të tijtë mundën 3-1 Kosta Rikën, me gola të Di Marias (52'), Mak Alister (56') dhe Lautaro Martinez (77').
‘Toro’ zhbllokohet kështu pas 17 ndeshjesh pa gola me fanellën e Argjentinës. Kampionët e botës u gjendën në disavantazh, pas golit të Ugalde (34'), por në pjesën e dytë përmbysën gjithçka. Lautaro Martinez e nisi nga stoli dhe vulosi rezultatin me golin e 3-të, pasi më parë kishin shënuar Di Maria dhe Mak Alister.
Sulmuesi i Interit u fut në fushë në minutën e 71-të dhe në të 77-ën gjeti golin e munguar me një të djathtë të saktë, pas asistit të De Paul. Prishet kështu ‘agjërimi’, që zgjaste prej 24 shtatorit 2022, në fitoren 3-0 ndaj Hondurasit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.