.png)
Marrëveshja e PS-së me Rithemelimin e cila i hap rrugë normalizimit të jetës parlamentare, është mirëpritur edhe nga ambasadori gjerman Karl Bergner. Nga Korça ku ka qenë i pranishëm ne universitetin e këtij qyteti, ai tha se mbetet për t’u parë kthimi në normalitet, ndërsa theksoi se ky është një kusht i rëndësishëm për një sistem demokratik dhe për integrimin e Shqipërisë në BE.
“Është kënaqësi e madhe që shoh zhvillimet e fundit të parlamentit shqiptar, gjithsesi do të shikojmë nesër në rast se realisht do t’i kthehet normalitetit për të folur për përmbajtje pa qenë nevoja t’u ndalur seanca. Gjithmonë e kemi theksuar në këto muajt e fundit kur në parlament nisën shqetësimet, kemi theksuar se parlamenti është një kusht i rëndësishëm për një sistem demokratik, për integrimin e Shqipërisë në BE. Është kënaqësi për ne të shohim se dy partitë politike janë dakordësuar për të normalizuar situatën në parlament. Shpresojmë që ky bashkëpunim të sjellë zhvillim edhe në reformën zgjedhore, por edhe në tema të tjera të rëndësishme".
Sa i përket reformës zgjedhore, ai tha se ende nuk është përmbyllur për të dalë në konkluzione.
"Ne shpresojmë që të kemi një reformë zgjedhore, nuk mund të jap konkluzionet e mia sepse nuk është përmbyllur ende. Ju e dini se ekziston një komision parlamentar për çështjen e reformës zgjedhore i cili ka afatin e tij deri në 21 Mars, do të paraqesë rezultatet e punës së tij para kuvendit e kur të merret vendimi do të shprehemi. Sigurisht deri tani nuk kemi parë rekomandimet konkrete që ka marrë komisioni parlamentar, do e ndjekim me vëmendje. Kemi interes që ky proces të jetë i gjerë, të përfshijë sa më shumë interesa, ka rekomandime nga OSBE - OHDIR, do e ndjekim në vijim”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
