.png)
Gjykata Kushtetuese shtyn për ditën e hënë vendimin lidhur me marrëveshjen për emigrantët me Italinë.
Marrëveshja mes Kryeministrit Edi Rama me homologen italiane Giorgia Meloni u dërgua në Kushtetuese nga deputetët e PD.
Më 6 nëntor, kryeministri i Shqipërisë, Edi Rama, dhe ajo e Italisë, Giorgia Meloni, nënshkruan marrëveshjen, sipas së cilës, Italia do të dërgojë në Shqipëri refugjatët që kap në Detin Mesdhe në një qendër për pritjen e tyre, e planifikuar të ndërtohet në Gjadër të Lezhës. Marrëveshja planifikohet të nisë së zbatuari pranverën e këtij viti.
Pavarësisht kritikave të shumta, kreu i qeverisë Edi Rama është zotuar se marrëveshja do të kalojë në parlament.
Marrëveshja Itali-Shqipëri, parashikon hapjen e dy kampeve të refugjatëve në territorin shqiptar, për të pritur 3000 emigrantë.
Këtë të mërkurë Parlamenti italian, dhoma e deputetëve miratoi me 155 vota pro dhe 115 kundër (2 abstenime) projektligjin për ratifikimin e marrëveshjes Itali-Shqipëri për emigrantët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
