Dy pjesëtarë të Shkëndijës së Tetovës dhe gjashtë të Renovës kanë rezultuar pozitivë me koronavirus. Ky ishte rezultati i testimeve të kryera në laboratorin e spitalit privat “Axhibaden Sistina” për Covid-19. Lajmi u konfirmua zyrtarisht Sindikata e Futbollistëve në Maqedoninë e Veriut:
“Pas testimit të skuadrave nga Tetova, janë diagnostikuar 6 raste pozitive me CoVid-19, 4 nga Renova dhe 2 nga Shkëndija. Emrat e futbollistëve janë dërguar në klubet përkatëse, të cilat anuluan stërvitjet e së dielës, ndërsa të prekurit pritet të vihen në karantinë dhe të tjerët në vetë izolim”, thuhet në njoftimin e Sindikatës.
Ndërsa klubi tetovar, nëpërmjet një qëndrimi zyrtar, sqaron: “Për fat të keq, gjatë ditës së sotme, nga Sindikata e Futbollistëve dhe spitali Sistina na është njoftuar se dy anëtarë të klubit tonë kanë rezultuar pozitivë me Covid-19. Në interes të besueshmërisë së rezultateve, klubi menjëherë ka nisur procedurat për të kryer testimet e dyta të dy anëtarëve që rezultojnë pozitivë. Duke respektuar instruksionet e organeve kompetente, dy anëtarët me COVID-19 janë izoluar sipas rekomandimeve, ndërsa klubi hapat e radhës do t’i marrë në koordinim me Federatën e Futbollit të Maqedonisë dhe Institutin për Shëndet Publik. Shkëndija nuk do të bëjë asnjë koment shtesë në lidhje me këtë çështje, deri në një vendim të radhës.”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.