.png)
Gol me Kombëtaren dhe gol me Barcelonën B. Rey Manaj ishte protagonist me gol këtë javë në suksesin 2-0 të Kombëtares shqiptare kundër San Marinos dhe ka vazhduar formën e mirë edhe në radhët e klubit të tij. Edhe pse me një përbërje lojtarësh të rinj te Barcelona B, ai po arrin që të ndihmojë këtë skuadër të regjistrojë fitore të njëpasnjëshme për të synuar ngjitjen në La Liga 2.
Manaj shënoi golin e avantazhit në ndeshjen ndaj Alcoyano në kampionat, duke treguar përsëri se mbetet një element shumë i rëndësishëm për klubin katalanas i cili veproi mirë që e mbajti në këtë sezon.
Në minutën e 26 të sfidës, pas një pasimi nga e djathta, Manaj me një instinkt prej bomberi devijoi sferën drejt shtyllës së dytë duke lënë në vend portierin kundërshtar e duke i dhënë avantazhin e përkohshëm skuadrës së tij. Ky ishte goli i 9 i Manajt në këtë kampionat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
