Kostoja e një pice klasike Margherita vazhdoi të rritet në prill në krahasim me të njëjtën periudhë të vitit të kaluar, megjithëse norma e inflacionit u ngadalësua për të gjithë përbërësit e saj.
Sipas Bloomberg, i cili citon të dhëna nga Instituti Italian i Statistikave dhe Ministria e Financave, përbërësit e picës (miell, domate, mocarela dhe vaj ulliri ) dhe energjia për të pjekur picën u rrit me 19% në prill, krahasuar me 2022.
Megjithatë, rritjet e çmimeve janë ngadalësuar në krahasim me marsin, por edhe nëntorin e kaluar kur kostoja e prodhimit u rrit me më shumë se 30%. Indeksi i picave vazhdon të tejkalojë inflacionin total, i cili ishte 8.7% muajin e kaluar.
Kostoja e blerjes së picës së gatshme është rritur me 7.6% këtë vit, duke e bërë supermarketin një zgjidhje më fitimprurëse sesa pica e bërë vetë.
Ndërsa ka një debat të madh rreth asaj se cilat shtesa janë të pranueshme në një picë të vërtetë italiane, ananasi jo e jo - Margherita, së bashku me një version edhe më të thjeshtë pa mocarela të njohur si Marinara, janë varietetet më të vlerësuara nga puristët.
E quajtur në mënyrë apokrifale sipas Margherita di Savoia, mbretëreshës së parë të Italisë pas bashkimit të saj, legjenda thotë se Pica Margherita u krijua fillimisht për nder të vizitës së saj në Napoli në 1889. Ngjyrat e përbërjes, kur një gjethe borziloku i freskët shtohet në fund për shije, rikrijon ato të flamurit italian jeshile, të bardhë dhe të kuqe.
Burimi: Bloomberg/Përshtati Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.