Jordania ka tërhequr ambasadorin e saj në Izrael. Lajmi është përcjellë nga ministria e Jashtme jordaneze.
Ministri i Jashtëm Ayman Safadi tha se ky vendim erdhi, "si shprehje e pozicionit të Jordanisë që refuzon dhe dënon luftën izraelite që po shpërthen në Gaza".
Në vijim të deklaratës u theksua se ambasadori i Izraelit, i cili nuk është aktualisht në Jordani, nuk është i mirëpritur të kthehej.
"Kthimi i ambasadorit do të varet ‘nëse Izraeli do të ndërpresë luftën e tij në Gaza, duke ndalur katastrofën humanitare që rezultoi dhe duke u përmbajtur nga veprimet që u mohojnë palestinezëve të drejtat e tyre themelore, duke përfshirë aksesin në ushqim, ujë dhe ilaçe, si dhe një jetë të sigurt dhe të qëndrueshme. në tokën e tyre kombëtare", thuhet në deklaratës zyrtare.
Ministria jordaneze më herët ka njoftuar fillimin e procesit të evakuimit të qytetarëve të saj nga Rripi i Gazës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.