Gazeta Si - Këshilli i Sigurimit i OKB-së dështoi të mërkurën të miratojë një rezolutë të udhëhequr nga Brazili që bën thirrje për pushim humanitar në konfliktin Izrael-Hamas me qëllim për të siguruar shpërndarjen e ndihmave. Arsyeja ishte vendosja e vetos nga SHBA ndaj tekstit të paraqitur nga Brazili.
Këshilli prej 15 vendesh u mblodh dhe votoi për projekt-rezolutën që kërkonte anulimin e urdhrit për civilët dhe stafin e OKB-së për të evakuuar të gjitha zonat në Gaza në veri të Ëadi Gazës dhe për t'u zhvendosur në Gazën jugore.
SHBA, një nga pesë anëtarët e përhershëm, votoi kundër rezolutës, duke çuar në dështimin e Këshillit për të miratuar rezolutën. Rezoluta mori 12 vota pro, ndërsa Rusia dhe Britania abstenuan.
Që një rezolutë të miratohet në Këshill, ajo duhet të marrë të paktën 9 vota pro dhe asnjë veto të vetme nga asnjë prej pesë anëtarëve të përhershëm.
Në këtë votim mësohet se Shqipëria ka votuar pro rezolutës së paraqitur nga Brazili. Ndërsa abstenim ishin shtetet si Rusia dhe Britania e Madhe.
Votat për rezolutë në OKB
PRO
Franca
Kina
Shqipëria
Brazili
Ekuador
Gaboni
Gana
Japonia
Malta
Mozambiku
Zvicra
Emiratet e Bashkuara Arabe
Kundër
Shtetet e Bashkuara (VETO)
Abstenuan
Mbretëria e Bashkuar
Rusia
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.