.png)
LSI synon që mbështetjen e saj ta ketë tek të rinjtë. Në një takim me gjimnazistët e LRI-së, Monika Kryemadhi tha se vetëm angazhimi i të rinjve në vendimmarrje, do të çonte vendin përpara.
“Të rinjtë janë shpirti dhe drita e syve të familjeve tona. Dëgjoj me vëmendje dhe me pjesën më të madhe të tyre jemi takuar. Pyetja që bëjmë herë pas here është; sa nga ju duan që të ikin nga Shqipëria? Mungesa e arsimit cilësor, e perspektives, e një page të mirë paguar, e shumë gjerave të tjera që ka sot nevojë një njeri, jo vetëm shkollën, janë arsyet.
A ka zgjidhje kjo situatë? LSI është partia e të rinjve, iu ka dhënë dorën të rinjve, që janë sot krenaria e kësaj partie dhe fuqia e saj.
S’i përdorim të rinjtë si dekor, të bëhesh sot pjesë e vendimmarrjes, do të thotë të kesh vizion”, tha Kryemadhi. Sipas saj, LSI do të jetë foltorja e të rinjve. Pa maska dhe duke sfiduar publikisht një akt normativ të qeverisë, Kryemadhi shtoi: “... S’ka virus që e ndalon rininë shqiptare për të ndaluar këtë realitet monstruoz”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
